Poesia » 04/01/2005

"Nazzicati" di Francesco Bove

Francesco Bove è nato a Brindisi il 5 febbraio 1944.
Ha quattro figli di cui due femmine.
Emigrato a Milano nel 1964, si è laureato in economia e commercio all’Università “L. Bocconi” e poi in giurisprudenza all’Università Statale.
Revisore dei conti, si è abilitato dottore commercialista.
E’ stato manager nella sanità.
Ora è nonno e pensionato.
Si cimenta a scrivere memorie di una Brindisi vissuta con semplicità e dignità, che non ha mai dimenticato.

Ringraziamo Francesco per averci inviato dopo "Chiantu ti Mamma" anche la seguente "Nazzicati" che lasciamo alla lettura.

Cara mamma…..lu cori mi lu ticia:
era vulutu tanta voti cu scrivu a ssignuria
quandu turnava a casa ti fatia
ma no’ nci spicciava mai a menzatia!

Ogne vota ca la ‘ccuminzava
mai ‘sta lettera spicciava
pircè nu nutu an canna mi pigghiava
e lu rimorzu ca t’era ‘bbandunata mi pigghiava.

A menti mi viniunu pinzieri belli
ti quandu stava anziemi a l’atri frati
e mi ricordu ancora quandu mi nazzicavi
e la ninna nanna mi cantavi.

Iu stessu alli frati chiù piccinni l’haggiu fattu
e moi nci lu vogghiu a contu;
lu dundulisciari ‘ndi tava ‘na sensazioni ti leggerezza
e pi durmeri a manu stringiunu ‘na pezza.

Li fili mia anveci hannu statu spurtunati
pircè iu quasi mai l’haggiu nazzicati
puru ca no’ l’haggiu mai ‘bbandunati;
pi’ la fatia a manu a mugghierima l’haggiu lassati.

Pi loru paria ‘nu cristianu fiaccu,
nu burburu cu la capu ‘ntra lu saccu
ma speru ca l’hannu capitu
ca ‘ddi sacrifici l’haggiu fatti pi’ loru.

Alli scoli l’haggiu mandati,
finu a crandi l’haggiu mantinuti;
purtroppu però picchi mi l’haggiu cuscitati:
‘sta Milanu ‘ngrata mi l’è sempri ‘lluntanati.

Mo’ ca so’ penzionatu e tegnu tiempu ti minari
mi l’era vuluti a cuscitari
ma non ci stai chiù nienti ta fari,
lu tiempu ava caminari.

L’unica cosa ca vi pozzu tiri
e lassatumulu fari , vi vogghiu a ‘mbrazzari
strittu strittu prima ti muriri
e armenu ‘na vota vi vogghiu a nazzicari!

Francesco Bove
Milano, 11 febbraio 2004