Poesia » 07/07/2005

“Ci si vanta sulu vali nu pasulu” di Fulvio Maglietta

Quella che segue è una libera interpretazione tendente a spiegare il contenuto dell’assunto suddetto. La morale infatti è che , quelli che si vantano alla fine sono solo sedicenti , poiché è sempre un’altrochè decide veramente.
Nel caso specifico sarebbe l’educazione del titolare del “fondoschiena”.

LA MORALE

Na vota, n’tra nu piattu ti minestra , nu pasulu,
si sta vantava cu nu stuezzu ti cipodda r‘rusulata,
ti quiddu ca cumbina , na vota n’tra la panza,
a nu cristianu, ca pi fami o pi piaceri, si l’è strafucata.

Penza cara cipodda r’rusulata mia,
ca l’aria ca li formu, doci doci, n’tra lu capasoni,
sittatu ti traverso sobbra a na vecchia sigitella,
scattarisciandu com’a na frustata, essi cu nu bellu pipitoni.

Io , cuntinuava, no sontu comu alli mugnuli o alla cucuzza,
ca senza fa rumuri, all’aria aperta o n’tra na stanza,
essunu cittu cittu, e lluffiandu chiano chiano,
ti puzza di qualeru, n’di fannu veramenti tanta.

Nu ciciru ccappatu a casu, tra du bellu piattu,
rivoltu all’agghiu alla cipodda e a l’acciu,
tissi, lassatilu cuntari ,no li crititi , a stu paddoni,
so ormai nu saccu t’anni ca si vanta, stu pagliacciu.

Puru io, na vota,la pinzava coma a lu pasulu cannillino,
finchè nu giurnu prima ti finiri n’tra du capasoni,
vitiu, sittatu pi contornu, sobbra a nu piattinu,
chiangiri a funtanella nu bellu e delissato panpascioni.

C’è tè successu, pircè ti sta dispieri, dumandai.
Lu nunnu ca mi fotti è dilicato o vivi n’tra na reggia,
cu tuttu ca lu confiu e lu tartassu ti duluri,
forzi ci chiangu in turcu pi nu mesi, li scappa naà scurreggia.

Allora cari amici lu sapiti, quali eti la morali ti sta storia,
lu meritu non eti ti lu cicuru, lu panpascioni o lu pasulu,
ca fannu fà si puzzi, sti lloffi o scattarisciari sti rumuri,
ma ti lu puercu ti patroni, ti lu busciu ti lu culu.


Fulvio Miglietta