Poesia » 11/09/2005

La Valigia di cartoni. Marco Miglietta

“La Valigia di cartoni”

Nisciunu po’ mmagginari quiddu ca passa nu brindisinu quando stu paisi a va llassari,
ttani di famiglia, cristiani grandi e giovanotti
c’è passunu di ggiurni ca a na priparari pacchi e fagotti,
Brindisi!! Ci ti sta nuei la sera ti va faci na passeggiata a ponta a mari
e no lu piensi ca ta fari armenu 1000 chilomitri pi fatiari,
ce bellu abbasciu la marina
sia di sera ca di matina,
cuentri tutti di cristiani cu la giacchetta sobbra li spaddi
ca ti faci piaceri puru cu li uardi
e soltantu d’aria fresca e pulita ca respiri!!!
figuriti ca li furastieri anforza li polmoni sa n’anchiri,
lu spettaculu poi eti, quando rientrunu li pescherecci
portunu sobbra pisci, calamari e secci.
Stacchioddi, purpetti e bracioli di maiali…
Ma nu veru brindisinu sti cosi si po’ scurdari!!?
Purtroppu la cosa ca mi faci vineri menu
eti quando vesciu tutti di cristiani ca sta pigghiuni lu trenu,
li viti carichi a spizzari
pircè ndi portunu puru la rrobba di mangiari…
e quanti amici mia si ndi vannu e si ndannu sciutu
e ogni vota lu nnutu ancanna me vinutu
l’urtima è stata Sara na grandi amica mia
ca iu mai mi putia mmagginari ca si ndi scia…
na vagnona bbedda, brava e ngarbata
figuriti ca eti puru laureata!!!!
Pi stu fattu tegniu ancuerpu nu magoni
ci tinia annanzi cu ci mi la putia pigghiari
nci nfilava nu carzaloni
ma ce vue faci ormai quistu eti lu paisi pi ogni vagnoni:
sa va asari na matina e ava priparari la valigia di cartoni...

A Sara…
Marco