|
Poesia » 21/09/2005
‘Nchianata, di Francesco Bove
‘Nchianata
Sta sentu ‘nu chiantu,lu curdoni hannu tagghiatu,
‘na rizzicata ti friddu m’è vinutu:
ti ddò mama haggiu ‘ssutu,
è pussibili ca m’è iaticatu?
No, Frangi’, t’è datu la vita, circata,
è stata vuluta, pircè amata,
puru ca la strata è totta ‘na ‘nchianata;
già cu issi è stata ‘na sutata.
Mo’ sta’ chiangi, sta’ muvi li mani,
cierchi quarche cosa, surritunu li cristiani,
no’ capescunu ca è ‘ccuminzata
la battaglia, la lotta pi’ la vita!
Sta cierchi cu la vocca scangata
‘na menna pi’ ‘na llattata
e passunu li giurni,
lu tiempu ti vesti li carni.
Ci nci la faci ti mandunu a studiari,
ci noni ti tocca cu vai a fatiari;
ti nd’accurgi subbutu
ca la vita eti ‘nu mbutu,
‘na goccia t’acqua ‘ntra mari;
ha stari attientu addò ha caminari
puru ca ti cuscita ‘na cummari,
no’ si po’ schirzari!
La vita po’ essiri totta ‘nu gudimientu,
po’ essiri vissuta ogne mumentu
ma nci stai lu ruvesciu ti la mitaglia
e lu pruverbiu no’ si sbaglia:
ha’ voglia cu tiri acqua cu li recchi,
nci ‘ndi voli tanta cu inchi sicchi!
Questa eti la vita, ‘na ‘nfurrata
ca eti totta ‘na ‘nchianata.
Quandu ti criti c’ha’ rrivvatu,
‘n’atru prublema s’è prisintatu
e ‘ccumienzi ‘n’atra vota a ‘nchianari
‘sta scala circulari.
Quandu ti ddimmandi a ddò sta vai
ti nd’accurgi addò stai
e ca lu soli, in fondu a la via, sta poni
e no’ si chiù vagnoni.
Ti tuecchi an facci: la barba non eti chiù nera;
ti uardi ‘ntra lu specchiu: la spadda è curva, eti già sera,
li capiddi so’ bianchi,
ti fannu mali li fianchi.
La strata è quasi finita,
questa eti la vita:
ha’ cumplitatu la strata pi’ tei signata
e a lu viali ti lu tramontu è rrivata.
La vita è passata,
è stata si ‘na ‘nfurrata
ma armenu l’ha’ vissuta
puru ca non è stata‘na passiggiata.
Vagno’, t’ha’ fattu vecchiu,
puru ca cu li sacrifici pue’ anchiri ‘nu sicchiu
e la casa mo’ teni l’irmici e no’ cannizzu,
ma no’ pi lu progressu!
La gioventù t’ha’ brusciatu
pi’ la fatia c’ha’ jaticatu:
ti sta vesciu a ‘nu bastoni ‘ppuggiatu,
no’ ti uardari an giru, ha’ rrivvatu!
Milano, 21 gennaio 2004
Francesco Bove
|
