Poesia » 20/12/2005

La dieta ti Natali. Di Marco Miglietta

“ La dieta ti Natali”

Vaggià cuntari quiddu ca succedi a casa mia lu periudu di Natali,
da Cristiana di Mama si asa alli sei pi na settimana
ma quiddu ca ndi chidimu tutti
pirceni pripara tanta cacchitieddi e purcidduzzi;
du periudu la cosa ca pensu chiussai la notti
sontu quiddi belli bocconotti,
ti la viscilia ti la mmaculata frisci da bella pittulata,
“osci digiunu” cuminsamu a diri na puccia cu li franfrullicchi,
tonnu e n’ aucala di vinu ti nu quartu fattu sta ca n’dasamu di ntavula alli quattru;
Ti la viscilia ti Natali la tavulata e propria di nvidiari,
eti totta bella mbandita e sicuramenti ci stai la pietanza mia preferita,
tovaglioli e tuvagghia rossa quando spicciamu no putimu fari chiù nisciuna mossa,
no ti dicu a Caputannu tutti di nvitati estranii e imparentati,
ca ticunu sempri a Mama “Tina assai a Cucinatu”
e prima cu spicciunu ti parlari hannu giai strafucatu;
poi benumali riva la befana e comu si dici “L’epifania tutti li festi porta via”
e io intanto mi cumensu a urdari la panza mia
da panza totta rrutundata e mi veni lu rimorsu pi lu pranzu ti la mmaculata.
Na vota ca li festi hannu spicciatu iu pensu “assai aggiu mangiatu”
ma la cuscienza mia mi spiega “non è ca ti Natali a fa la dieta”
e poi era a viteri a vui ci cu tuttu du beni di Diu annanzi
sta pinzavvu picchi alli Panzi.

Marco