Poesia » 09/04/2006

"Lu pueta" di Francesco Bove

Cceteti lu pueta?
‘Nu struelucu pirata
ca uarda ‘na cumeta
totta ‘lluminata;

eti ‘nu musicanti
ca nci la canta a tutti quanti;
eti ‘nu sanzaru ti lu bellu,
eti ‘nu menestrellu!

Sonna la vita ca tu no’ viti,
veti la fini ca faci ci ti mariti,
uarda cu simpatia l’onestu,
canta tuttu quiddu ca è giustu!

Teni ti riguardu ‘nu uecchi
a li tisgraziati, e so’ parecchi,
assisti comu poti lu malatu,
ca è statu chiù spurtunatu;

scutorza a ci no’ li tai ‘na manu,
nci tai lu tiempu comu lu voli lu ualanu;
li cristiani si metti a sciuticari,
cosi nuevi si metti a ‘nvintari!

Rispetta la natura,
ti la morti no’ teni paura,
riesci a fari viteri lu cicatu,
faci sunnari lu ‘nnammuratu.

Diventa cantori ti la morti
o ti ci è avutu ‘na malasorti;
canta la vita passata
e quedda ca t’è data ‘na ‘nfurrata.

Eti frati ti li nocenti,
eti criatori ti lu nienti,
eti pinzieru ti la menti,
eti pitteculu cu li putienti!

No’ eti comu a Ponziu Pilatu
ca li mani s’è lavatu
pi’ n’averi rispunsabilitati
e ti Cristu n’è avutu pietati!

No’ vol’essiri primiatu
e si ndi fotti ci no’ veni cunsitiratu;
iddu vol’essiri spinzieratu
pi’ scriviri quiddu ca è sintutu, scuscitatu!

A lu puveta essunu li palori a sicchi,
diventa ‘nu polici ‘ntra li recchi;
eti ‘na zecca senza culori,
d’ogni cosa senti tulori.

Eti lu pilu ‘ntra l’ovu ;
non eti contra a lu nuevu,
a lu ttani vol’a ‘ssumigghia
e ‘nu nutu an canna li pigghia!

Ama la famiglia, li fili,
voli cu li veti cuntienti
puru ca no’ tenunu nienti:
si, li venunu ‘sti spili!

Eti unu ca si lleva la spina ti lu peti,
eti ‘nu rumantucu ca chiù non nci nd’eti;
eti unu ca ‘ntra li uecchi teni li pili
e ca lu progressu li faci perdiri li fili:

Lu puveta ti ‘nzegna a vulari,
la vita ti ‘nzegna a amari
ti mbocca ti lleva l’amarori;
quistu è lu pueta: ‘nu sognatori!

Francesco Bove
Milano, 6 ottobre 2004.