Poesia » 04/04/2008

Brindisi no eti sulu lu centru! Di Giampiero Martinese

Cari amici vi mando un mia nuova poesia in vernacolo e colgo l'occasione per salutare tutti i Brindisini che per studio o per lavoro sono lontani dalla nostra città. Un particolare saluto agli ex allievi dell'Istituto Scientifico Fermi,che spero si ricodino del vecchio Giampiero ex assistente tecnico per 14 anni.
Un abbraccio affettuoso
GIAMPIERO

BRINDISI NO ETI SULU LU CENTRU!

Allu corzu l'atru giurnu m'aggiu fattu na caminata
e cussì mi ndaggiu ddunatu ca Brindisi è cangiata.
Tutti l'arvusi siccati lu Comuni l'è scappati
e quiddi tutti stuerti inveci 'è putati.

Abbasciu alla marina no ci stannu chiù li giostri,
e mancu li paninari ca stavunu ti costi.
No viti carti anterra, ne scritti alli pariti,
ce cagnu sta succedi? Vu forsi lu sapiti?

Brindisi pulita pari propria nu sciardinu…….
Uè viti ca è turnatu lu Sinducu Ntuninu?
Lu centru pari nu specchiu, tuttu assà perfetto,
carti, mondezza e sacchetti 'nta lu cassonetto.

Tutti li monumenti hannu mbellittatu,
co' anchi li culonni e puru lu tiatru.
Liggendu lu giurnali propria stamattina,
aggiu capitu lu giustu ti totta sta manfrina.

Av'à rrivà lu Papa ca ndav'a benidiri,
ci trova po' mbucatu ce de ca nd'ava diri?
Però mio Santo Padre, futti l'Istituzioni
E fatti purà 'nturdici a tutti l'atri zoni.

E po ti rendi cuntu ca pi stu grandi eventu,
CA BRINDISI NO E' FATTA SULU TI LU CENTRU

GIAMPIERO MARTINESE