|
Poesia » 30/04/2008
1988 - Lu monumentu a Virgigliu. Di Aldo Indini
Abbasciu alla marina
alli giardinetti,’ntra nu mumentu,
hannu chiantatu stamattina
nu beddu monumentu.
Lu sinducu a tutti ‘nde spiecatu
ca’ la nunna cu lu ciucciu e lu cani
eti lu monumentu a Virgigliu didicatu
e tutti l’amu ‘bbattutu li mani.
A casa poi aggiu riflittutu:
‘dda stava già ‘na capu a bella mostra,
uè viti ca Virgiliu sannu futtutu
e mò vol’a ‘focunu la posta?
Subbutu lu sinducu aggiu chiamatu:
"sculturali" m’è ‘ddittu "gnurantoni,
‘ppi lu nasu ti ‘ddà l’hannu ‘llivatu,
quasi ca lu chiamaunu Virgigliu Nasoni!"
‘Cce significa cu tieni l’istruzzioni
E lu culu sobbra a ‘nna purtrona!
‘Ppi lu sinducu aggiu passatu ‘ppi cugghioni,
‘ppi iddu ca si creti l’unucu ca ragiona.
Aldo Indini
|
