Poesia » 22/12/2008

Lu Pittirossu. Di Francesco Bove

Francesco Bove è nato a Brindisi il 5 febbraio 1944. Ha quattro figli di cui due femmine.
Emigrato a Milano nel 1964, si è laureato in economia e commercio all’Università “L. Bocconi” e poi in giurisprudenza all’Università Statale. Revisore dei conti, si è abilitato dottore commercialista. E’ stato manager nella sanità.
Ora è nonno e pensionato.

Su Brundisium.net sono state pubblicate alcune sue composizioni nelle quali si cimenta a scrivere memorie di una Brindisi vissuta con semplicità e dignità, che non ha mai dimenticato. Clicca qui per i links

LU PITTIROSSU

Toppu la funtana ricintata,
tretu la ‘nfirriata
nci facia la posta
e mi chicavu amposta.

Ci lu vitivi era beddu,
era ‘n’acieddu
ca sta cantava a la luna:
lu ‘ccugghiu a la sicurduna!

‘Ppuggiatu stava susu
a ‘nu ramu spinusu
ma n’era ‘n’intrusu;
tinia nu cantu miludiusu:

Prima cu lu cciu,
tintau cu ndi lu cacciu
ma no’ si ndi sciu
e lu pirceni no’ sacciu!

Forsi s’era fitatu
o n’era uardatu
e si nd’era futtutu
e no’ si nd’era vulatu

sobbra a lu muragghioni
o no’ si ndi sciu
forsi pircè paura non aviu
ti mei ca era vagnoni.

Tirau allora ‘na fiundata
senza pinzari ca era ‘na carugnata
e an piettu lu pigghiau
e chiù, ti colpu, no’ cantau!

Iu abbasciu scindiu,
‘ntra li spini mi rranfau,
ma lu scè pigghiau
e ‘ntra ‘na manu lu mintiu.

Tinia an piettu ‘na macchia rossa,
era propiu crossa,
succhiusi tinia li uecchi
e pariunu to’ specchi,

cu l’ali aperti paria ca era avutu ‘na scossa:
no sacciu ci era ‘na pittirossa!
Pi edda finiu la ‘nvirnata
pircè pigghiau ‘dda ‘nfurrata.

No’ si nd’è ‘ccorta ca la morti si l’è pigghiata;
paria ‘na rosa ‘ppassita:
ci sapi ci era ancora zita
e sta cantava scuscitata.

A li voti, quandu nci penzu,
mi ‘mmagginu, comu capitau a zu Enzu,
‘na fricciata ‘ntra lu cori
cu mi faci amprima mureri,

senza suffriri,
senza ucculari
pi la malatia,
senza acunia .

Vulia ‘na morti toci,
‘mbrazzatu a l’amici,
la mugghieri e li fili:
si, mi venunu ‘sti spili!

Vulia cu mi pozzu fari ‘na cantata;
vulia ti ‘na banda ‘na sunata
cu mi ‘ccumpagna a Porta Lecci
sunandu balli lisci;

No’ vogghiu lu solitu sirmoni,
no’ vogghiu ‘na prucissioni,
ma ‘stu mundu vogghiu a lassu
comu a lu pittirossu!

Francesco Bove
Milano, 6 maggio 2004