|
Poesia » 28/12/2008
L’annu Vecchiu. Di Aldo Indini
L’annu vecchiu si nde sciutu,
sinde purtatu natru annu mia.
Tutti critunu iu mi stau mutu,
pensu ci la genti lu sta capia.
Viva viva eti lu nuevu annu,
spara e impiccia, c’è allegria.
Puru nuevu eti stu malannu
ca s’è sce giuntu a quiddi mia.
Ma cià fari cusì eti sta vita,
Ti l’ha mangiari sta minestra.
Ringrazia ci nmiezzu alli crita
no ti va menunu ti la finestra.
Aldo Indini
|
