|
Poesia » 13/06/2009
Lu chiamara “Nacitutu. Di Aldo Indini
Mammasa in cinta sottu alla suttana,
paria ca tinia scunduta na tammiggiana.
Quando nasciu, quedda stessa matina,
lu sce vattisciara intra na cantina.
E “tanusa, che già era nbivutu,
vuliu cu lu chiamaunu “Nacitutu.
Pi la fami lu bibberoni era chinu chinu,
no ti latti, ma ti vinu.
Alla prima comunioni, non di parlamu,
cu trasi l’ostia, allu previti li tesera na manu.
Poi allu matrimoniu inveci ti l’Ave Maria,
alla messa cantara, beddu lu vinu mia.
Muriu “Nacitutu ticendu, ci si ndi fotte,
e inveci ti lu “baugliu, lu chiusero ntra na votte.
Allu funerali, tretu tutti li parienti,
mbirliscuandu cu na curona ti sarmenti.
Aldo Indini
|
