|
Poesia » 04/01/2010
Federica la Bifana brindisina. Di Aldo Indini
Federica seconda si chiama la Bifana,
vecchia mbucata e senza suttana.
A postu ti la scopa na sorta di ciminera,
ca iatica puzza e fumu matina e sera.
Vene puru sta sera e tuzza lu purtoni,
cu lassa ormai sempre cenere e craoni.
Ma a Brindisi a Cirano ndi la mmiritamu
na centrali a craoni a purtata ti manu ?
Ma è possibili a sta cittati nisciunu si move
cu ndi portumu luntanu nu picca di craone ?
Eppuru no allu craoni tutti a critari,
mentre natra navi stà pi rrivari.
Dicunu ca tipendi ti l’istituzioni
ci ndì nfocamu nmiezzu allu crani.
Sinducu allora lu cunsigliu cumunali,
sce facitulu sotta alla cintrali.
Cusì a casa turnati comu Brindisi quand’era,
cu tutti npusimati e la camisa nera.
Aldo Indini
|
