|
Poesia » 26/07/2010
Profumo d'estate brindisina. Di Cosimo Ottaviano
Ce profumu ca si senti
ti sta vanda ti lu mari,
lu sta 'nducunu li vienti
cu'ndi fannu difriscari,
cu 'ndi 'ssuca lu sutori
ca 'nd'è fattu 'llicriniri.
sia 'ntra casa ca 'ddaffori,
pi stu cautu ti 'nfaugnari.
Ti l'alica sta 'rriva lu furtori,
addori ti spuenzuli e di rizzi,
ce spilu ti pateddi e cozzi gnori!
na canzedda culli contracazzi!
A lampu ce ta vistu ti da'mberu!
Pani cautu e casu puntu a fiddisciari,
fresca 'nc'è na vozza cullu mieru,
e cozzi a tirrupea pi scarufari.
E ce non'di 'nvitamu a stu banchettu?
Lu soli s'è calatu e sta lu friscu,
la panza è chena e voli lu rigettu,
sì, ma prima nu muloni sarginiscu!
(C.Ottaviano)
|
