Poesia » 09/03/2004

"Pinsieri ti na ognara" di F.R. Intiglietta

Nella “Sfilata degli antichi mestieri”, c’è anche la podologa che lavora in casa, da tanti anni. Ho cercato di immedesimarmi in questa figura professionale,quasi totalmente scomparsa, chiedendomi cosa avrebbe potuto pensare prima di iniziare una delle sue “sedute” con una cliente o un cliente particolare...

PINSIERI TI NA OGNARA

“Lu peti, la pinza, lleva li caddi
canta ca ti passa la fatia,
megghiu scaffà li fierri alli cavaddi!”
Cussì ticia la mamma mia...
Crà matina alli sei, veni quedda di bbasciu
(ca porta certi cipoddi...)
cu quedda, li forbici, certu, li scasciu.
Mi spremu li mitoddi:
ce l’agghia fa paiari?
“Teci ti ogni,toi pi li forbici scasciati...
tre pi la puzza ti pieti...”
mhm...poi tici ca sò cari.
Beh, vinti mili liri, quanti euri sontu?
A manu, cu li tisciti, e...mmò li contu!
Viti? So grandi, so vecchia,
ma li uecchi li tegnu bbueni,
nò mi funziona nà rrecchia,
ma no fazzu vileni.
Pircé cu li mani e la lengua tagghiu...e fatiu...
Quanti pieti aggiu vistu lu sapi diu:
Sta quiddu elecanti cu li pati vacanti;
Sta quiddu cu lu poddici stuertu
chiusu ntra na cassa ti muertu;
Quiddatru cu li caddi mbucati
e l’ogni tutti pittati;
“Tagghia, tagghia, lima e fatia,
cussì passa la vita mia”.

Intiglietta Francesca Romana
fra@brundisium.net