|
Poesia » 13/10/2010
Lu raciueppu. Di Cosimo Ottaviano
Mancu issi fori allu paisi,
ca già sienti l’aria ti lu mustu,
ti 'ppont'allu stratoni viti crappi ‘mpisi,
e chinu ti muschilli sta stu postu!
L’atru giurnu annu tagghiata l’ua,
e ‘nd’è rumasta ancora alli cippuni?
E' lu raciueppu ca voli la vindegna sua!
E chiama arretu 'ntr'alli vigni li patrruni.
No servi lu travinu culli vutti,
basta nu teloni e na carretta,
'ntra nu paru t'ori a 'ccuetu tuttu,
e fuci alla rimesa ca sta spetta.
Lu mustu ca sta scula russu russu
ti aspru enchi l'aria e la capasa
e spetta 'ntra sta vozza crossa crossa,
quiddu giurnu ca pi mieru si travasa.
Cosimo Ottaviano
|
