|
Poesia » 03/01/2011
Lu bbagnu a Caputannu. Di Giancarlo Zullino
Alla lodevole iniziativa ti “ GINETTU “
È stata na truvata, na goliardia,
e pi fari na bella rimpatriata;
a ccè nasci, a prima giurnu a menzatìa
fari nu bellu tuffu e na natata.
Già, lu postu sceltu è statu la conca
‘nsenatura ti mari cristallinu
Cu quedd’acqua fresca ca ti riscionca
Ddò ti ntosta puru lu piticinu.
Nci stava totta l’allegra compagnia
Ti cinquantenni (e na chicatora)
Ntra da matinata (quest’è l’alchimia)
Si vètunu, li giùvini ca fòra.
Na carosa bbedda ammienzu a loru,
Ti giuvini nu picchi “attempati”,
Sì: tava la freschezza e lu decoru
all’annu nuevu ch’era già rrivatu.
La grazia ti lu soli e lu tipori
‘ntr’a quiddu mari chiaru e frizzantinu
Nd’è datu lu piaceri e quidd’onori
T’assì fori: l’orgogliu Brindisinu.
Giancarlo Zullino
|
