|
Poesia » 13/03/2011
17 marzo: mo viti ce festa. Di Aldo Indini
Lu Sinducu ti Brindisi eti sinducu ti cori,
a tutti li cittatini è ricalatu lu triculori.
Allu palazzu mia almenu na vintina,
alli balconi l’ama mettiri a prima matina.
Sarannu però ti menu pi l’emuzzioni,
ti quando vincimu la partita ti palloni.
Intra lu campu eti beddu cantari,
prima ti la partita, “l’innu naziunali”.
Eti propiu quedd’innu c’a ndi teni uniti
unu vicinu all’atru comu cusuti.
A Torino è nata la monarchia e nmienzu li scali
sienti fischiari “la marcia reali”.
Alla Patania lu sinducu seriu seriu
cu la manu an piettu sta canta “va pinsieru”.
A Bologna forse ricurdandu lu cumpagnu Mau
cu li bandieri russi cantunu “bella ciau”
Sindacu grazie pi lu triculori e senza fatica
cantamu “la mamma è priparata la puddica”.
Aldo Indini
|
