|
Poesia » 10/09/2011
Lu programma. Di Aqvila Blv
Di sti vandi, la dumenica, si rispetta lu programma:
lu cafei, la passiggiata, li purpetti ti la mamma;
poi si essi alla controra pi rrivvari allu Casali
ca lu Brindisi a palloni la partita hava sciucari.
Serie A o Serie D, Salisiani o Promozioni,
sempri megghiu ca ntrunatu anfacci alla telivisioni.
Quanta genti ca nci stai, grandi, giuvini, sciuscetti,
cu li sciarpi, li bandieri, li tamburri e li trumbetti.
Ntrignulati pi lu friddu o squagghiati pi lu soli,
ndi scurdamu li pinsieri e sbariamu pi do ori.
Quant’č bedda quedda maglia, menza azzurra e menza bianca,
quant’č forti du vagnoni, ca no tira andretu l’anca.
Mena beddi sciamu annanti, no tardamu, no babbamu,
ci signamu so’ tre punti, ndi mbrazzamu e ndi li sciamu.
Poi la palla, tretta e storta, rriva a quiddu giuvinazzu,
ca saiettu tira in porta e nci scaffa nu gullazzu.
Izzapapa ce virzella, ce piaceri, no vagnů?
Menu mali ca tifamu pi la squadra cu la “Vu”!
Cu la chiesa li barisi, cu li banchi li liccisi,
ma stu cori biancazzurru campa senza li turnisi.
E tra priesci e malisangu, battimani, golli e uai,
ci cient’anni hannu passatu … tra cient’anni stamu a quai!
Aqvila Blv
|
