Poesia » 21/12/2011

Poesie per il Natale 2011. Di Aldo Indini

Natali ti zzu Ghiaturinu

Natali eti pi zzu Ghiaturinu,
comu la festa ti lu vinu.
Allu brisepiu amu cantatu,
cu zzu Ghiaturinu tuttu sutatu.

Quand’amu misu lu Bambinu,
se culatu ancora atru vinu.
Ogni cosa che dà iddu vitia,
li sirvia poi sulu cu mbivia.

N’atru bicchieri se mbivutu
e lu Bambinu sin de sciutu.
Sobbra lu ciucciu cu Maria
San Giuseppu sin di sta scia.

La fuca in Eggittu anticipara
cu si ndi vannu di da cagnara.
Murtificatu lu zziu la matina,
chiangendu e sciu alla cantina.

Lu brisepiu scigghiatu

Si scasciava nù pupu ogni sera,
ma nisciunu vitia prima quant’era.
Mai cu cattunu cu na certa cura,
chiù nisciunu era ti la stessa misura.

Na casodda piccenna appena si vitia,
cu nu pupazzu chicatu ca vi trasia.
Li cammelli erunu ncora tutti sani,
ma li remmaggi pariunu tre nani.

La Sacra Famiglia non era chiù la mia
pi quant’era Gesù, Giuseppe e Maria.
Nu sorta ti bove ca era nu scumpigliu,
mentri lu ciucciu paria nu cunighiu.

La grotta cusì piccenna ti tulia lu cori,
cu viti lu bambinu cu li pieti ti fori.
L’annu ca veni ama vitè cè ama ffari,
Tutti li pupi nuevi ama ccattari.

Aldo Indini