04/01/2006

"Brunda" di Francesco Bove


Francesco Bove è nato a Brindisi il 5 febbraio 1944.
Ha quattro figli di cui due femmine.
Emigrato a Milano nel 1964, si è laureato in economia e commercio all’Università “L. Bocconi” e poi in giurisprudenza all’Università Statale.
Revisore dei conti, si è abilitato dottore commercialista.
E’ stato manager nella sanità. Ora è nonno e pensionato.
Si cimenta a scrivere memorie di una Brindisi vissuta con semplicità e dignità, che non ha mai dimenticato.
"Ho scritto più di 200 poesie- ci scrive in una recente e-mail- Purtroppo i miei libri non sono in vendita per libera scelta: l'avrei fatto solo se il ricavato fosse stato destinato alla ricerca oncologica. Alcuni libri sono depositati presso la biblioteca provinciale di Brindisi se qualcuno fosse interessato a leggerli..."

Ringraziamo Francesco per l'attenzione costante con la quale segue Brundisium.net e soprattutto per l'invio delle sue composizioni che pubblichiamo sempre con grande gioia.
Questa è BRUNDA

A lu jertu mbarbicata
sobbra a do’ cullini ‘rrampicata,
si’ propiu bedda, Brunda,
‘na cartullina ‘llustrata!

‘Stu mari cangianti
lu viti a levanti;
‘n’arcu nci pari
ca frecci t’amori ava tirari.

Sobbr’a l’atri sette colli
stannu tanta frabbicati
e pari sduppiata ‘sta citati
comu sia ca lu populu la volli!

Eti propiu veru: è stata la civiltati
ti li Messapi ca quai so’ sbarcati;
quai si so’ chiantati
e poi cu li rumani s’hannu ccucchiati.

Sinti luminosa la matina,
ndori ti pani e farina
pani schanatu a casa
puru ca la tavula eti rasa!

Tradiziuni millinari,
schifi ca vannu a mari
sciabbicoti ca vannu a piscari
pi’ buscari quarche sordu pi’ campari.

Ggenti semplici, a la bunata,
vi l’haggiu tittu ‘n’atra fiata;
no’ sacciu quandu si’ nata,
si’ bedda e Brindisi t’hannu chiamata.

Ti li tirrimoti si’ stata scuffulata;
ti li bombi si’ stata cripintata;
tanta uerri t’hannu signata,
puru lu saracinu t’è sfruttata.

Ti li rumani ti l’ha’ pigghiata
la prima ‘nfurrata
eppuru no’ t’ha’ scuraggiata
ci si’ stata custruita, toppu scuffulata.

Porta d’orienti, soli ‘bbaglianti,
spezie piccanti,
terra ti commercianti,
pani pi’ li braccianti.

Terra spensierata,
terra marturiata,
lluvatu pi’ li ngalirati,
piccinni prisciati.

Rifuggiu ti teste curunati,
puertu pi’ li crociati,
naca ti li cavalieri Templari, condottieri,
cumbattuti ti lu cleru finu a ieri.

Distinu ti libertà ti tei la storia è scrittu
E pi’ ‘st’ideali ha’ suffertu,vi l’haggiu tittu;
puru Spartacus t’è circata
e pi li tradituri si pigghiau ‘na ‘nfurrata!

Brindisi, amata citati
pari ‘na linci cu li zampi ‘ppuggiati
ca sta spetta lu passaggiu
ti ‘nu cervu ‘ncoronatu
sobbra a do’ culonni t’appoggiu
ca si nd’è ‘ccortu a tiempu ed è scappatu!

Francesco Bove
Milano, 12 aprile 2005.