16/11/2009

Il cuggione saggio. Di Alfieri Carbone


Accomu osci aggiu spicciatu ti fatiari
M’aggiu fattu ‘na caminata mberu a mari.
Aggiu sciutu ti li vandi ti Ciranu,
Viermi, canna e lebbrica alla manu!

Aggiu civatu buenu, all’amu cruessu
"Aggia pigghià 'nu saracu e mi l’aggia fari lessu".
Ma subbutu è mangiatu, com’a 'nu crimoni
Ce’ sta spittava a mei, nu sorta di Cuggioni?

Aggiu bruscatu assai, alla veramenti:
"Tra li pisci ti lu mari, propria lu chiu’ fitenti!?!"
Ma quistu è rispundutu: "vabbè… so ‘nu cuggioni,
Ma tui ca pieschi aqquai... Sinti propia ‘nu cugghioni!"

Alfieri Carbone