07/06/2010

A Brindisi. Di Gianni Capano


Quandu lu soli s'asa la matina
e li cristiani vannu a la fatia
tu mi pari com'a na rigina
vistuta d'oru e di malincunia.
Paesi mia...
Li stradi tua canosco a una a una
e li chiazzi e li casi antichi.
Lu monumentu ca fino a ncielo rriva
ndi uarda a tutti d'in facci a la marina.
E quandu e 'stati
ca faci cautu assai
so' tanta li navi
ca passunu di quai,
ca vennu ti la Grecia
o c'hanna sceri dai.
Allora viti 'nglisi, francisi,
cinisi e cippunisi
chini di turnisi,
tedeschi e ti l'Olanda
e ti do Cristu 'ndi li manda.
Nci stannu li colonni
ca segnunu do' spiccia
la via chiu' antica e longa
ti li romani antichi,
e 'nfacci a quiddi, stai
la casa ti Virgiliu
ca muriu quai.
E poi lu dduomu, li chiesi e li funtani
a 'nsiemi a li castieddi,
so' tutti cosi beddi
quiddi ca stannu quai.
Questa si' tui Brindisi mia
e mi strengi lu cori
quandu ti dicu addiu
ca ci mueri tu,
mueru pur'iu.

Gianni Capano