28/11/2011

La Puccia. Di Aldo Indini


Lu disciunu st’annu ama ffari
pi nu giurnu non ama mangiari
e puru st’annu zza Rafiluccia
ti la Mmaculata è fattu na puccia.

No la mangiari sobbra pinsieri,
pirc’è l’è chena totta t’auli neri.
L’atr’annu li nuzzuli non è llivatu
e lu nonnu nu nuzzulu è scrafazzatu.

To tienti ti la tiniera sin dannu catutu
e anterra , citti citti, si ndannu sciutu
ti costi, na ulia nera scrafazzata,
iu l’aggiu ccota e l’aggiu mangiata.

Com’era amara e tinia li zampicieddi
e ncapu, to uecchi e li curnicieddi.
Lu sai Mà aggiu cappatu n‘atra vota,
non era na ulia, ma na mbalota.

Aldo Indini