21/01/2012

Pinsanduci. Di Giancarlo Zullino


PASCALINU
- Ad perpetuam rei memoriam.
A perenne ricordo dell'avvenimento -

Dedicata a Pasquale Losito, un uomo di grandi virtù, conosciuto con: "pace e bene"

No vulivi a ti rrindivi
A sta cara vita nostra
Ti li mietici pindivi
Li tinivi sempri a mostra

T’eri rintanatu a casa
Sittatu nanti alla finestra
Lu pinzieri ti la spesa
E l’ora ti la minestra

Spaccavi l’orologgiu
Pi pigghia’ la miticina
Cuntrullavi lu cunteggiu
Pi lu gassi ti cucina

Sta spittavi lu pustinu
Pi li muerti ti bulletti
Cumbinavi nu casinu
Stavi sempri cu l’aspietti

Timmi a mei ce nd’avutu
Cu ti futti li mitoddi
Ti la carni ta privatu
Comu puru li stacchioddi

E li mietici ce diri
Quiddi ca t’hannu curatu
Sulu unu a binidiri
Comu ttani t’e’ trattatu

Lu cardiolugu spittavi
Quiddu caru amicu tua ?!
Ti nda sciutu ti quant’avi…
Forzi e’ stata corpa sua

Lu spitali ? Lassa stari
L’umanita’ e’ atra cosa
Comu puru lu duveri
A dda intra no’ si sposa

Li bulletti scadenzati
Comu puru lu pustinu
A tiempu loru… hannu rrivatu
Comu puru lu distinu.

Giancarlo Zullino