Il momento più basso della storia del movimento calcistico brindisino ha scatenato la delusione della parte sana della tifoseria ma anche l’ispirazione di un paio di tifosi/compositori che hanno voluto esprimere in versi satirici la propria amarezza.
Alessandro Caiulo (in arte Lisandro) ha pubblicato “San Ghiatoru e Lu palloni”. Alfieri Carbone ha, invece, creato, “Lu Ciervu nuestru”.
Entrambi esprimono la propria amarezza ma entrambi sia Caiulo che Carbone dimostrano anche tra le armi per venire fuori dai momenti di crisi vi sono la capacità di eseguire una riflessione disincantata su tutto ciò che accede e di mettere alla berlina del ridicolo personaggi e avvenimenti che rischiano di condizionare sentimenti e valori di una cittadinanza
SAN GHIATORU E LU PALLONI
Aggiu sciutu l’atru giurnu
Mberu alla cattidrali
Cu va mpicciu to lampini
Pi la festa patronali
Uè san Ghiatò: c’ha cumbinatu
La squatra mia ha sc’è squagghiatu
Era tant’anni ca mi paria
Ca lu palloni non ti piacia
Ma st’annu propria ha esaggiratu
E la capu ‘nd’ha scrafazzatu
Fra calciuscummessi e debbiti a ufu
nd’ha misu an canna nnu bellu tufu
Avia ragioni cumparuma Enzu
Ca prifiria lu santu Lorenzu
E ci a iddu erumu pricatu
Stu cazzanculu non era cappatu.
Ti l’altari latirali,
A ddo stannu tutti l’ossi,
Sentu nna voci ti l’oltritomba
Ca mi nsurdesci comu nna tromba
E san Ghiatoru, lu santu surdatu
Ti lu cavaddu me sc’è parlatu:
Prima mi uarda, si gratta la recchia,
Si ggiusta d’elmettu ca pari nna secchia
“figliolo caro, io non comprendo
Questo tuo acceso risentimento
In fondo, in fondo ti ho accontentato
E le preghiere tue ho ascoltato”
Buttu ti sangu! cu vegnia a mei
E megghiu cu essu prima cu scoppiu!
Ma comu faci, cu tanta crazia,
Cu dici ca ma cuncessu la grazia?
“ma non ricordi? Lo scorso anno
Venisti a trovarmi come quest’anno,
Un cero grande come un lampione,
E mi chiedesti la promozione.
Io ti ho esaudito, figliolo caro,
La Promozione è il mio regalo!”
(Lisandro, 1.9.2015)
LU CIERVU NUESTRU
Ddi corni nturtigghiati com’ a sierpi
Li uecchi a pampascioni ti campagna
Spicciau cu si’ lamenta e pigghia’ cuerpi
No soffri propia chiui e no si lagna
Ca quando stava bbuenu, puvirieddu
Nc’ hannu skaffatu cuerpi, cu l’ ugghina
Si mmalazzau ti cori e ti cirvieddu
Pisciatu an capu, mancu na latrina
Lu ciervu nuestru, brindisinu veru
Cu la camisa bianca e la V an piettu
Sta difresca, ntra lu cimiteru
Cu la risella an bocca, pi dispiettu
Alfieri Carbone
No Comments